Në emisionin “Live from Tirana” me moderatorin Ronaldo Sharka, e ftuar ishte detektivja private Shkënda Lili, e cila ndau detaje të rëndësishme mbi fenomenin e tradhtisë në shoqërinë shqiptare. Ajo foli hapur mbi mënyrën se si tradhtojnë njerëzit sot, sidomos në familjet e pasura, dhe rrëfeu përvojën e saj personale me tradhtinë.
Si dhe kush tradhton më shumë?
Sipas Shkënda Lilit, rastet më të shpeshta të tradhtisë ndodhin në familjet e pasura, të cilat shpesh mbajnë një jetë fasadë, duke u paraqitur si familje të lumtura, ndërkohë që realiteti është ndryshe.
“Secili bën atë jetën private të vetë. Duke qenë se gruaja mund ta ketë kapur shumë herë bashkëshortin duke tradhtuar, do dhe ajo të bëjë të njëjtën gjë dhe të ketë fakte,” – shpjegon detektivja.
Një fenomen i veçantë që ka vënë re ajo është se gratë mbi 40 vjeç, të cilat zbulojnë tradhtitë e burrave të tyre, shpesh vendosin të hakmerren duke u përfshirë në lidhje me djem më të rinj.
“Mjafton që ata të jenë të palestruar, dhe këto gra i marrin e ikin bashkë jashtë shtetit,” – tha Lili, duke theksuar një prirje gjithnjë në rritje.
A është tradhtuar vetë një detektive që zbulon tradhtitë e të tjerëve?
E pyetur nëse ajo vetë është tradhtuar ndonjëherë, detektivja u përgjigj pa hezitim:
“Po, pafund!”
Kur u pyet nëse është më e vështirë të zbulojë tradhtitë e klientëve të saj apo ato personale, ajo pranoi se kur bëhet fjalë për jetën e saj, është shumë më e ndërlikuar.
“Ia kam arritur të zbuloj çdo gjë që kam dashur të di në lidhje me personin që kam pasur përkrah. Nuk kam turp fare ta them, jam tradhtuar më shumë se një herë, dy herë, tre herë…” – pranoi ajo.
Pasi ka përjetuar disa zhgënjime, Shkënda Lili ka vendosur të qëndrojë vetëm, duke humbur besimin tek marrëdhëniet.
“Më pëlqen vetmia, sepse nuk kam besim më. Ose të bëj një pakt me veten, siç bëjnë shumica…” – përfundoi ajo.
Intervista e saj ka ngjallur shumë diskutime, duke hedhur dritë mbi një realitet të heshtur, por shumë të pranishëm në shoqëri.
