Pikat kryesore
- Sipas saj, ndryshimet e shpejta të çmimeve brenda 24 orëve dhe reflektimi i uljes së bursës në çmimet e produkteve përbëjnë një sinjal pozitiv për ekonominë.
- Radonshiqi u shpreh se tensionet gjeopolitike kanë ndikim global dhe kërkojnë kujdes në menaxhimin e financave familjare.
- Ajo theksoi se vëmendja kryesore duhet të përqendrohet tek shtresat vulnerabël, familjet në nevojë dhe qytetarët me të ardhura të ulëta apo mesatare, pasi në çdo krizë ekonomike ka kategori që preken më shumë.
Ekspertja e ekonomisë, Romina Radonshiqi, deklaroi në “Money Report” në se tregu i hidrokarbureve në vend po monitorohet nga afër nga Bordi i Transparencës, duke theksuar se mungesa e këtij mekanizmi do të sillte anomali në treg. Sipas saj, ndryshimet e shpejta të çmimeve brenda 24 orëve dhe reflektimi i uljes së bursës në çmimet e produkteve përbëjnë një sinjal pozitiv për ekonominë. Radonshiqi u shpreh se tensionet gjeopolitike kanë ndikim global dhe kërkojnë kujdes në menaxhimin e financave familjare. Ajo theksoi se vëmendja kryesore duhet të përqendrohet tek shtresat vulnerabël, familjet në nevojë dhe qytetarët me të ardhura të ulëta apo mesatare, pasi në çdo krizë ekonomike ka kategori që preken më shumë. Ekspertja komentoi edhe vendimin e Bankës së Shqipërisë për të mos ndryshuar normën bazë të interesit, duke e cilësuar atë si një vendim të pritshëm në kushtet kur kriza ende nuk ka dhënë efekte agresive në buxhetet familjare. Ajo shtoi se është ende herët për të folur për një krizë financiare, megjithëse muajt në vijim kërkojnë kujdes dhe mirëmenaxhim të financave personale. Sa i përket inflacionit, Radonshiqi nënvizoi se ai nuk lidhet vetëm me pasojat e luftës, por edhe me faktorë të tjerë ekonomikë. Ajo vlerësoi se inflacioni në Shqipëri mbetet në nivele të qëndrueshme, ndërsa zhvlerësimi i euros ka ndikuar pozitivisht në mbajtjen nën kontroll të çmimeve në vend. “Pa Bord Transparence patëm një lloje anomalie në treg. Bordi po mban nën monitorim tregun e hidrokarbureve. Brenda 24 orëve ndryshuan çmimet. Ulja e çmimit të bursës është ulur edhe çmimi i produkteve, është një shenjë pozitive. Pra probleme të kësaj natyre gjeo-politike ka ndikim në të gjithë botën. Është mirë që të menaxhojmë financat tona. Fokusi duhet të jetë tek shtresat vulnerabël dhe familjet në nevojë. Në çdo krizë ka humbës. Fokusi duhet të jetë te ai target grup, që ka të ardhura të mesme, të ulëta. Vendimi i bankës për të mos ndryshuar normën bazë të interesit, është që të mos ndryshuar normën bazë të interesit, është diçka e pritshme. Për aq kohë sa kriza nuk ka dhënë akoma efektet që të ndikojë agresivisht në buxhetin tonë, atëherë duhet të presim, që kjo krizë të përfundojë sa më shpejt. Në këtë muaj, do duhet të mirëmenaxhojmë financat, por mendoj që është akoma herët për të folur për një krizë financiare. Inflacioni nuk na vjen vetëm nga çështja e luftës. Inflacioni në Shqipëri është në nivel të qëndrueshëm. Të gjithë e dimë, që periudha e verës do të sjellë një rritje të inflacionit. Fakti që ne kemi një inflacion të ulët, është shkak edhe vlera e ulët e euros. Ne na ndihmon shumë nën çmimi i euros. Ne mundohemi që të mirëmenaxhojmë financat”, tha ekspertja. Mos rri jashtë: bashkohu me ABC News. Ne jemi kudo! Bordi i Transparencës merr vendimin, ulet çmimi i naftës dhe benzinës Ulen çmimet e karburanteve/ Bordi: Nafta shitet 206 lekë për litër, benzina 184 lekë Bordi i Transparencës njofton çmimet e reja të karburanteve, ulet nafta
