Berisha: Dhimitër Anagnosti, kolos i gjenisë krijuese artistike Kryetari i Partisë Demokratike, Sali Berisha, mori pjesë sot në homazhet në nder të regjisorit Dhimitër Anagnosti, të mbajtura në hollin e Teatrit të Operas dhe Baletit.
Pas homazheve, Berisha u shpreh në një prononcim për mediet se, sot është një ditë e rëndë, ditë zie për artin, filmin, kulturën e shqiptarëve, pasi përcjellin për në banesën e fundit një kolos të vërtetë të gjenisë krijuese artistike të kombit shqiptar.
“Dhimitër Anagnosti ishte dhe është njëri prej krijuesve, regjisorëve, skenaristëve, shkrimtarëve më të shquar të vendit”, u shpreh Berisha.
Berisha theksoi se, Anagnosti lë një trashëgimi në të cilën ai do të jetojë për jetë të jetëve.
“Anagnosti ishte i pamëshirë në kërkim të përsosmërisë artistike në veprën e tij.
Ai, që në vitet ’90 me emrin, reputacionin e tij, i angazhua në mbështetje të përmbysjes së diktaturës dhe forcave demokratike”, tha më tej Berisha.
Berisha: Dhimitër Anagnosti, kolos i gjenisë krijuese artistike Rrugët e reja kombëtare, Rama: Buqetë e infrastrukturës që ka shkurtuar distancat Kreu i SPAK vizitë zyrtare në Amerikë, Altin Dumani takim me zyrtarin e lartë të DASH Aksident në Shkodër, makina pëson defekt dhe përmbyset në rrugë, lëndohet pasagjeri Po lëvizte me biçikletë, gruaja përplaset nga automjeti në Korçë Viti i ri shkollor, prindërit duhet të paraqesin pranë shkollave certifikatat e vaksinimit të fëmijëve
