Pikat kryesore
string(92) "albanese-lavderon-planin-e-trump-per-paqen-ne-gaza-dhe-ben-thirrje-per-zgjidhje-me-dy-shtete" Albanese lavdëron planin e Trump për paqen në Gaza dhe bën thirrje për zgjidhje me dy shtete Kryeministri i Australisë, Anthony Albanese, ka lavdëruar propozimin e presidentit të SHBA-së, Donald Trump, për një marrëveshje armëpushimi në Gaza gjatë një fjalimi në përkujtim të dyvjetorit të sulmit të Hamasit më 7 tetor ndaj Izraelit. Duke folur në Parlament, Albanese e përshkroi 7 tetorin e vitit 2023 si “një ditë dhimbjeje dhe terrori për popullin hebre në të gjithë botën”. Sulmi tregoi se “Hamasi qëndron në kundërshtim me të gjithë njerëzimin dhe gjithçka që ne vlerësojmë si qenie njerëzore”, tha ai. “Kjo është një mundësi në ditët e ardhshme. Është detyra jonë të bëjmë gjithçka që kemi në dorë për ta shfrytëzuar atë”, tha ai. Udhëheqësja e opozitës, Sussan Ley, foli gjithashtu në parlament, duke kritikuar administratën e Albanese për mosmarrjen e një qëndrimi më të vendosur në mbështetje të Izraelit dhe Shteteve të Bashkuara. Ajo u bëri thirrje protestuesve pro-Palestinë të ndalen, duke përmendur në mënyrë specifike demonstratat masive që kanë ndodhur së fundmi në Shtëpinë e Operas së Sidneit. Ndërkaq, në Zelandë të Re, ministri i Jashtëm Winston Peters përkujtoi gjithashtu sulmin në një fjalim parlamentar, duke bërë thirrje për një armëpushim dhe kthimin e të gjithë pengjeve në Gaza. “Ne e kemi dënuar fuqimisht natyrën dërrmuese të reagimit ushtarak të Izraelit, pasi civilët palestinezë kanë paguar një çmim joproporcional për mëkatet e Hamasit”, tha ai. Ai shtoi se qeveria kishte zgjedhur të mos e njihte zyrtarisht shtetësinë palestineze në Asamblenë e Përgjithshme të Kombeve të Bashkuara në Nju Jork kohët e fundit, sepse besonte se kjo do të ishte një “shpërqendrim ose edhe ndërlikim për arritjen e një armëpushimi, kthimin e pengjeve dhe mbetjeve mortore, si dhe rrjedhën e papenguar të ndihmës”. Arrestohet në Podujevë një i dyshuar për mashtrim Merz mbështet ndalimin e përdorimit të telefonave celularë në shkollat fillore në Gjermani Policia në Shqipëri: Roja i Gjykatës nuk i kontrolloi të dyshuarit për vrasjen e gjyqtarit Agim Ademi e falënderon presidenten Vjosa Osmani, e cila do ta dekorojë nesër kreun e FIFA-s, Infantino Albanese lavdëron planin e Trump për paqen në Gaza dhe bën thirrje për zgjidhje me dy shtete Haradinaj tregon se ishte për vizitë tek ish-krerët e Ushtrisë Çlirimtare të Kosovës në Hagë: Ishin opitimistë dhe të fortë
