Organizata Botërore e Turizmit e Kombeve të Bashkuara njoftoi se turizmi ndërkombëtar ka shënuar një rritje prej 5% në gjysmën e parë të vitit 2025, krahasuar me të njëjtën periudhë të vitit të kaluar. Gjatë muajve të parë të vitit, rreth 690 milionë individë kanë udhëtuar jashtë vendit, duke shënuar një rritje prej 33 milionësh në krahasim me vitin 2024. Kjo rritje e ndjeshme vjen pavarësisht sfidave globale që kanë ndikuar në sektorin e turizmit, duke treguar se interesi për udhëtimet ndërkombëtare mbetet i lartë.
