Pas ngjarjes që solli tensione të forta në shtëpinë e Big Brother VIP Albania 5, Mateo dhe Brikena janë përballur në një diskutim të drejtpërdrejtë për të sqaruar të ardhmen e raportit të tyre.
Biseda mes tyre ka nxjerrë në pah qëndrime të kundërta lidhur me afrimitetin fizik dhe kufijtë personalë. Nga njëra anë, Mateo është shprehur i frustruar, duke argumentuar se dinamika mes tyre i ngjan tashmë një marrëdhënieje çifti, ku sipas tij “mungon vetëm puthja”.
Mateo: “Si do ta vazhdosh këtë marrëdhënie? Unë s’të rri dot afër dhe mos të të puth. Ne vetëm puthja na ndan me u quajt të dashur.”
Nga ana tjetër, Brikena ka mbrojtur me vendosmëri qëndrimin e saj, duke theksuar se ndjenjat i ka shprehur publikisht, por hapat fizikë do të hidhen vetëm kur ajo të jetë plotësisht e bindur.
Brikena: “Po, atë puthje që unë kur e ndjej me e ba, kur jam 100% e sigurt, kaq.”
Përballë këtij qëndrimi të qartë, Mateo ka vendosur të ndryshojë qasje. Ai i ka komunikuar Brikenës se do të tërhiqet nga çdo iniciativë dhe do t’ia lërë asaj në dorë çdo hap të mëtejshëm në raport.
Mateo: “Nga sot e tutje unë nuk do të bëj asnjë veprim. Kur të duash, afrohu dhe bëje.”
Ky zhvillim lë të hapur disa skenarë për ecurinë e marrëdhënies së tyre brenda Big Brother VIP Albania 5—nëse kjo distancë do të krijojë ftohje mes tyre, apo do t’i japë Brikenës hapësirën për të marrë kontrollin e situatës dhe për të vendosur vetë ritmin e afrimitetit.
