Pikat kryesore
- Kryeministri Edi Rama ka nisur vizitën e tij në Vatikan me një ndalesë simbolike në Genazzano, në bazilikën e famshme ku ndodhet shembëlltyra e Zojës së Këshillit të Mirë, e njohur edhe si Zoja e Shqipërisë.
- Në një postim në rrjetet sociale, Rama bën me dije se kjo bazilikë mban një lidhje të veçantë historike me Shqipërinë, pasi aty ruhet një fragment i shkëputur nga muri i Kishës së Shkodrës në vitin 1467.
- Sipas kryeministrit, pranë Zojës së Shqipërisë qëndron gjithmonë edhe flamuri kombëtar, ndërsa Genazzano ka qenë vend pelegrinazhi dhe lutjeje për thuajse të gjithë Papët e Romës.
Kryeministri Edi Rama ka nisur vizitën e tij në Vatikan me një ndalesë simbolike në Genazzano, në bazilikën e famshme ku ndodhet shembëlltyra e Zojës së Këshillit të Mirë, e njohur edhe si Zoja e Shqipërisë. Në një postim në rrjetet sociale, Rama bën me dije se kjo bazilikë mban një lidhje të veçantë historike me Shqipërinë, pasi aty ruhet një fragment i shkëputur nga muri i Kishës së Shkodrës në vitin 1467. Sipas kryeministrit, pranë Zojës së Shqipërisë qëndron gjithmonë edhe flamuri kombëtar, ndërsa Genazzano ka qenë vend pelegrinazhi dhe lutjeje për thuajse të gjithë Papët e Romës. Rama kujton gjithashtu se gjesti i parë që bëri Papa Leoni XVI menjëherë pas zgjedhjes së tij ishte pikërisht një vizitë dhe lutje në këtë bazilikë, te Zoja e Shqipërisë. VIZITA NË VATIKAN për takimin me Atin e Shenjtë, nisi sot nga Genazzano, në bazilikën e famshme, ku gjendet shembëlltyra e Zojës së Këshillit të Mirë, mbi një copë të shkëputur nga muri i Kishës së Shkodrës në vitin e largët 1467 Që nga ajo kohë asnjë kryetar shteti ose qeverie shqiptare nuk e kishte shkelur pragun e bazilikës, ku krah Zojës së Shqipërisë qëndron përherë edhe flamuri ynë kombëtar, e ku kanë kryer vizita e rite thuajse të gjithë Papët e Romës.
