Presidenti Begaj në ceremoninë e 50-vjetorit të Akademisë së Shkencave dhe Arteve të…

Gjatë vizitës në Kosovë, në kuadër të 50-vjetorit të krijimit të Akademisë së Shkencave të Kosovës, Presidenti i Republikës, Bajram Begaj, u prit në një takim të veçantë nga Presidentja e Republikës së Kosovës, Vjosa Osmani. Presidentët Begaj dhe Osmani rikonfirmuan angazhimin për bashkëpunimin e pandalshëm Shqipëri-Kosovë duke theksuar se bashkë mund të nxisin më shumë projekte zhvillimore. Presidenti Begaj nënvizoi momentumin historik të Shqipërisë në rrugën drejt Bashkimit Evropian, duke theksuar se rritja e rolit dhe faktorizimi i saj në arenën ndërkombëtare ndihmon drejtpërdrejt edhe Kosovën në procesin e njohjeve dhe afirmimin e saj ndërkombëtar. Presidenti Begaj zhvilloi gjithashtu takime me Kryetarin e Prishtinës, z. Përparim Rama, dhe Kryetarin e Rahovecit, z. Smajl Latifi, të cilëve u uroi suksese në mandatin e ri pas zgjedhjeve lokale. Gjatë vizitës në Komunën e Rahovecit, Presidenti Begaj u njoh nga afër me zhvillimin e agroturizmit në këtë zonë dhe punën e banorëve në vreshtari dhe produkte bujqësore, të cilat kanë sjellë mirëqenie dhe imazh ndërkombëtar për komunën përmes eksporteve të produkteve vendase. Presidenti vlerësoi atdhedashurinë, qëndresën gjatë luftës dhe punën e palodhur të banorëve të Rahovecit. Në shenjë vlerësimi dhe mirënjohjeje, Kryetari i Rahovecit, z. Smajl Latifi, e nderoi Presidentin Begaj me dekoratën “Medalja e Lirisë”. Mos rri jashtë: bashkohu me ABC News. Ne jemi kudo! Atmosferë magjike në Presidencë gjatë ndezjes së dritave të pemës së Krishtlindjeve Pritje me rastin e Pavarësisë/ Begaj: Shqipëria ka ecur shumë, por ka shumë për të bërë! Lavdi për jetë për Kombin Shqiptar Presidenti Begaj uron nga “Sheshi i Flamurit”: Gëzuar 28 Nëntorin, Ditën e Pavarësisë