Pikat kryesore
- Renardo Nallbani, i kërkuar prej rreth dy vitesh në kuadër të hetimeve për inceneratorin e Tiranës, është arrestuar mbrëmjen e kësaj të shtune nga Policia e Vlorës.
- Kapja e tij u realizua gjatë një operacioni të zhvilluar në zonën e Palasës.
- Pas veprimeve të kryera nga shërbimet e Policisë për identifikimin dhe lokalizimin e tij, Nallbani është vënë në pranga.
Renardo Nallbani, i kërkuar prej rreth dy vitesh në kuadër të hetimeve për inceneratorin e Tiranës, është arrestuar mbrëmjen e kësaj të shtune nga Policia e Vlorës. Kapja e tij u realizua gjatë një operacioni të zhvilluar në zonën e Palasës. Nallbani dyshohet për disa vepra penale, përfshirë “Pastrimi i produkteve të veprës penale ose veprimtarisë kriminale”, kryer në bashkëpunim të veçantë në kuadër të grupit të strukturuar kriminal, “Grup i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”. Pas veprimeve të kryera nga shërbimet e Policisë për identifikimin dhe lokalizimin e tij, Nallbani është vënë në pranga. Materialet procedurale do t’u përcillen organeve kompetente për vijimin e mëtejshëm të procedurave ligjore.
