Mrekulli nën rrënoja/ Shpëtohet gjallë 3-vjeçari pas tërmetit në Venezuelë

Një djalë trevjeçar është nxjerrë i gjallë nga rrënojat gjashtë ditë pas tërmeteve të fuqishme që goditën Venezuelën, në një operacion shpëtimi të realizuar nga një ekip jordanez. Fëmija, i identifikuar si Klieber Morán, u nxor nga rrënojat në shtetin La Guaira, sipas presidentes së përkohshme Delcy Rodríguez, e cila e cilësoi ngjarjen si një “burim shprese për popullin”. Mbrojtja civile jordaneze bëri të ditur se fëmija mori ndihmën e parë në vendngjarje dhe më pas u dërgua në spital, ku gjendja e tij u raportua e qëndrueshme. Ai po trajtohet në Karakas, sipas autoriteteve venezueliane. Shpëtimi vjen në një moment kur situata në vend mbetet kritike pas tërmeteve me magnitudë 7.2 dhe 7.5 që goditën javën e kaluar. Sipas autoriteteve, numri i viktimave ka arritur në 1,943, ndërsa më shumë se 10,000 persona janë plagosur dhe dhjetëra mijëra të tjerë rezultojnë ende të zhdukur. Sipas vlerësimeve paraprake të të dhënave satelitore të NASA-s, rreth 58,870 ndërtesa mund të jenë dëmtuar ose shkatërruar si pasojë e lëkundjeve të fuqishme. OKB-ja ka paralajmëruar për një krizë humanitare në përkeqësim, me mungesa të mëdha ushqimi dhe strehimi për dhjetëra mijëra të mbijetuar. Shpëtimi i 3-vjeçarit konsiderohet një rast i rrallë, pasi ndodh shumë pas periudhës kritike 72-orëshe, kur shanset për të gjetur të mbijetuar nën rrënoja janë zakonisht më të larta. Mos rri jashtë: bashkohu me ABC News. Ne jemi kudo! Sulm ndaj eksponentëve të Mitsotakis/ Zjarrvënie të koordinuara në Selanik. Antiterrori grek heton prapavijën politike Trump fitoi më shumë se 1 miliard dollarë nga kriptovalutat në vitin e parë të rikthimit në presidencë GJKKO të pafajshme kryebashkiaken e Roskovecit, Majlinda Bufi