Gjatë spektaklit të fundit në shtëpinë e Big Brother VIP Albania 5, lideri i javës mori një nga avantazhet më të forta në lojë. Rogerti, i cili mban këtë status, vendosi të dërgojë drejtpërdrejt në nominim Stenaldo dhe Mateo.
Vendimi i tij ka shkaktuar reagime të menjëhershme brenda shtëpisë, veçanërisht nga Brikena, e cila nuk e ka fshehur pakënaqësinë. Pas përfundimit të “Prime”, ajo ka reaguar hapur kundër këtij nominimi, duke bërë një deklaratë të fortë që u interpretua nga publiku si presion ndaj produksionit.
Duke treguar besim të plotë te qëndrimi i Mateo në lojë, ajo u shpreh:
“Mateo nuk ka shanse me dalë, kurrë. Dal dhe unë bashkë me Mateon nëse del ai.”
Kjo deklaratë ka shtuar edhe më shumë tensionin në shtëpinë e Big Brother VIP Albania 5, duke qenë se marrëdhënia mes Mateo dhe Brikena vazhdon të mbetet një nga dinamikat më të forta dhe më të diskutuara të këtij sezoni.
