Një moment sa i papritur aq edhe komik ka ndodhur së fundmi në shtëpinë e Big Brother VIP Albania. Protagonist i situatës u bë banori Mali, i cili shpesh spikat për fizikun e tij atletik.
Me shumë sportivitet dhe duke besuar te forca e muskujve, ai vendosi të provonte diçka të pazakontë: të futej vetë brenda një vrime në mesin e tavolinës së shtëpisë. Fillimisht situata u duk si një shaka e momentit, por shumë shpejt mori një kthesë të papritur kur Mali kuptoi se nuk po arrinte të dilte më prej andej me forcat e veta.
Pas disa përpjekjesh të pasuksesshme për t’u liruar, banori u detyrua të dorëzohej dhe të kërkonte ndihmën e banorëve të tjerë që ndodheshin pranë për ta nxjerrë jashtë. E gjithë skena u shoqërua me të qeshura brenda shtëpisë, ndërsa momenti u kthye menjëherë në një nga episodet më argëtuese të këtij edicioni.
Videoja e këtij momenti është shpërndarë me shpejtësi në rrjetet sociale, duke u bërë virale mes ndjekësve të Big Brother VIP Albania dhe duke sjellë reagime të shumta nga publiku.
