“Për McGonigal dhe 11 majin do të kërkojmë hetim”, Flamur Noka: I qëndrojmë vendimit të Kryesisë së PD për ngritjen e 2 komisioneve hetimore I pyetur nga moderatori i emisionit Log në News24, sekretari i Përgjithshëm në PD, Flamur Noka u shpreh se opozita do të zbatojë vendimin e kryesisë së PD për ngritjen e 2 komisioneve hetimore për çështjet “McGonigal” dhe për farsën zgjedhore. Noka tha se komisionet hetimore janë një instrument që opozita ka mundësi të kontrollojë pushtetin, është e drejtë kushtetuese. “Dhe ju thoni uluni me Ramën të ndryshoni Kushtetutën”, tha Noka. Endri Xhafo: Do t’i qëndroni vendimit të kryesisë që ne do të hyjmë në parlament dhe do të kërkojmë ngritjen e 2 komisioneve hetimore, për “Mcgonigal” dhe për zgjedhjet? Flamur Noka: Pa diskutim, kemi thënë të dyja por do të ketë dhe të tjera. Endri Xhafo: I bie që me Ramën as këto nuk keni për ti marrë. Flamur Noka: Është një instrument që opozita ka mundësi të kontrollojë pushtetin, është e drejtë kushtetuese. Dhe ju thoni uluni të ndryshoni Kushtetutën. loading…
