Presidentja e Komisionit Evropian, Ursula von der Leyen, ka shprehur një reagim të fortë ndaj veprimeve të Rusisë, duke i cilësuar ato si një “shkelje të paprecedent” të hapësirës ajrore polake. Ajo theksoi se më shumë se dhjetë dronë rusë të tipit Shahed kanë depërtuar në territorin e Polonisë. Forcat polake arritën të identifikojnë dronët mbrëmjen e kaluar dhe menjëherë ndërmorën veprime për t’i neutralizuar ata. Von der Leyen kërkoi që Bashkimi Evropian të forcojë sanksionet ndaj Rusisë si përgjigje ndaj këtij incidenti të rrezikshëm.
