Çka po e pengon transferimin e Donnarummas te City?
Gianluigi Donnarumma duket se do të përfundojë një transferim te Manchester City dhe, ndonëse merkato e verës u mbyll më herët sonte pa një njoftim zyrtar, gjithsesi duket shumë e mundshme që italiani t’i bashkohet skuadrës së Pep Guardiolës me një kontratë pesëvjeçare dhe me opsion për zgjatje edhe një vit tjetër.
Marrëveshja pritet të finalizohet për një shumë rreth 30 milionë euro (26 milionë £).
Në Premier League, klubet mund të dorëzojnë një “deal sheet” për çdo transferim potencial, duke u dhënë klubeve një afat të shkurtër shtesë pas mbylljes së merkatos për të finalizuar dhe dorëzuar dokumentacionin e marrëveshjeve në proces.
Manchester City ka dorëzuar “deal sheet”-in për transferimin e Donnarummas, ndërsa raportet pretendojnë se portieri brazilian Ederson do të largohet nga klubi për t’iu bashkuar ekipit Fenerbahçe në Superligën turke.
Megjithëse afati i merkatos ka mbyllur zyrtarisht këtë sesion transferimesh, tifozët e Manchester City mund të qëndrojnë të qetë me bindjen se, përveç ndonjë befasie të minutës së fundit, Donnarumma do të veshë fanellën blu të gjigantëve të Premier League.
Çka po e pengon transferimin e Donnarummas te City?
Liverpooli e zyrtarizon transferimin e Alexander Isakut Klubi anglez interesohet për mbrojtësin e Barcelonës në çastet e fundit të merkatos Milani e zyrtarizon nënshkrimin me Rabiotin Zhegrova i thotë fjalët e para si lojtar i Juventusit: Krenari ta veshi këtë fanellë
