Një ngjarje tragjike ka ndodhur në Orange County, Kaliforni, ku prindërit e një adoleshenti 16-vjeçar kanë vendosur të padisin kompaninë OpenAI. Ata e akuzojnë chatbot-in ChatGPT për nxitje indirekte të aktit të vetëvrasjes së djalit të tyre. Rasti, i cili ndodhi më 11 prill të këtij viti, ka marrë vëmendje të madhe pasi detajet e bisedave të djalit janë bërë publike për herë të parë pas depozitimit të dokumenteve në gjykatë. Kjo ngjarje ka hapur një debat të gjerë mbi përgjegjësitë e teknologjisë dhe ndikimin e saj në shëndetin mendor të të rinjve.
