Një deklaratë mjaft e fortë dhe e papritur ka ardhur nga Iliri gjatë një diskutimi në panel, ku ka marrë në shënjestër lojën e Mimoza Ahmetit, ndjekësit e saj, si dhe surprizën e bujshme që ajo mori së fundmi nga reperja Tayna. Teksa po komentohej vëmendja e madhe që Moza ka marrë në rrjetet sociale dhe suporti i jashtëzakonshëm i publikut, Iliri ka habitur jo pak me fjalorin e përdorur. Ai nuk i ka kursyer aspak etiketimet ofenduese, duke i quajtur ata që e ndjekin dhe e mbështesin Mozën si “budallenj” dhe “dështakë shtëpiakë”. Sipas tij, mbështetja që ajo po merr nuk është e logjikshme, duke fyer kështu hapur të gjithë masën e njerëzve që lënë komente pozitive për të. Por “shënjestra” e tij nuk u ndal vetëm te publiku. Iliri analizoi dhe hodhi poshtë edhe dronin me mesazh mbështetës që Tayna i dërgoi Mozës pak ditë më parë. Ai e ka zhveshur këtë gjest nga çdo lloj ndjesie apo suporti të sinqertë, duke e quajtur thjesht një skemë të pastër marketingu për përfitime personale. Gjatë bisedës me panelistin tjetër, ai shprehet i bindur se Taynës nuk i intereson fare për Mozën: “ E di çfarë bëjnë këta? Investojnë 500 euro për me sjellë atë parashutën [dronin] dhe marrin 20 mijë followers nga ajo… Është një zinxhir fatal interesash!” Këto deklarata, ku Iliri minimizon mbështetjen e Mozës dhe akuzon hapur Taynën për shfrytëzim situate, kanë nisur të bëjnë xhiron e rrjetit, ndërsa shumica e komentuesve e kanë etiketuat Ilirin si xheloz.
