27 vjeçari nga Kosova po kërkohej nga autoritetet Gjermane, kapet nga Policia shqiptare në Morinë Një 27-vjeçar, shtetas i Kosovës, u ndalua në Morinë, pasi kërkohej nga autoritetet gjermane si i dyshuar për kryerjen e veprës penale “Mashtrimi”. Sipas njoftimit të Policisë së Shqipërisë, ndaj S.M., Gjykata lokale e Mynihut kishte nxjerrë urdhërarrest ndërkombëtar, i dyshuar për kryerjen e veprës penale “Mashtrimi”, me maksimum dënimi deri në 10 vjet burg. “Si rezultat i kontrolleve dhe verifikimeve të imtësishme në hyrje/dalje, me objektiva goditjen e paligjshmërive në kufi, si dhe ndalimin e shtetasve të shpallur në kërkim, të cilët tentojnë të lëvizin ilegalisht për t’iu shmangur përgjegjësisë penale, shërbimet e Policisë Kufitare të Morinës, në bashkëpunim me shërbimet e DVP Kukës, ndaluan në hyrje shtetasin kosovar S. M., 27 vjeç, banues në Kosovë”. “Nga verifikimet e kryera dhe nga informacioni i shkëmbyer me partnerët gjermanë, nëpërmjet Interpol Tiranës, rezultoi se ai ishte i shpallur në kërkim ndërkombëtar, pasi Gjykata lokale e Mynihut kishte nxjerrë ndaj tij urdhër-arrest ndërkombëtar, i dyshuar për kryerjen e veprës penale “Mashtrimi”, me maksimum dënimi deri në 10 vjet burg”, thuhet në njoftimin e policisë. Interpol Tirana, në bashkëpunim me homologët në Gjermani, po vijon procedurat për ekstradimin e 27-vjeçarit. 27 vjeçari nga Kosova po kërkohej nga autoritetet Gjermane, kapet nga Policia shqiptare në Morinë Uran Ismaili prezanton planin për rrugë më të sigurta në Prishtinë dhe për 200 oficerë të sigurisë në shkolla e lagje Bajraktari: Gjasat janë reale që Kushtetuesja të thotë se zgjedhja e nënkryetarëve nga pakicat ishte jo kushtetuese Arrestohet 17-vjeçari nga Kosova që sulmoi mësuesen në Essen të Gjermanisë Ish-kryediplomatja gjermane, Annalena Baerbock, merr drejtimin e Asamblesë së OKB-së Bajrami: Kurti po e zhyt vendin në krizë me inflacion e shtrenjtim të rrymës, është bërë aleat me Listën Serbe në bllokimin e institucioneve
